Allir velkomnir að hafa með sína eigin veiðistöng

Frá klukkan 10:00 til 16:00 verður grillað á bæjarbryggjunni þar sem Kiwanis menn á Siglufirði standa við götugrillið frá því fyrsta trilla leggur af stað þar til sú síðasta kemur í land kl. 16:00.

Þegar komið er að landi er gert að aflanum af fagfólki og hann síðan grillaður. Gestir fá svo að smakka. Boðið er upp á salat með fisknum.

Grill, fjör og tónlist á hafnarsvæðinu alla daginn!

• Tónlist og fjör
• Fjölskyldugrill; fiskur, pylsur og drykkur fyrir alla fjölskylduna
• Hoppukastali fyrir káta krakka
• Húla Dúllan mætir með nýja sýningu sem hentar allri fjölskyldunni þar sem tvinnað verður saman sirkus og vísindum. Boðið upp á húlahringi og húlafjör fyrir alla krakka. 
• Síldargengið fer rúnt um bæinn á gamla vörubílnum endar svo við Roaldsbrakka þar sem slegið verður upp síldarsöltun og bryggjuballi eins og þeim einum er lagið.

Við klárum svo þennan frábæra fjölskyldudag með Trilluballi á bæjarbryggjunni þar sem Landabandið mun halda uppi Trilludagsstemningu fram eftir kvöldi.

Eitthvað áhugavert að gerast alla Trilludagshelgina fyrir alla fjölskylduna

Málverka- og handverkssýningar
Söfn og setur eru opin
Veitingastaðir með eitthvað gott á matseðli 
Barnaskemmtun – Leikhópurinn Lotta mætir 
Bókmenntir og ljóð
Lifandi viðburðir á söfnum og veitingahúsum
Tónleikar víðs vegar um bæinn
Golfmót 
Strandblakmót
Leiktæki fyrir börnin og fleira og fleira

Dagskrá verður auglýst þegar nær dregur hátíðinni.

Allir velkomnir !