Sjúkraþjálfun Styrks býður upp á alla almenna og sértæka sjúkraþjálfun fyrir skjólstæðinga sína. Í stöðinni starfa nú ellefu sjúkraþjálfarar.

Sjúkraþjálfun er starfsgrein á heilbrigðissviði sem byggist á þekkingu á stoðkerfi og á hreyfikerfi líkamans. Hlutverk sjúkraþjálfara er að greina, meta og meðhöndla misvægi í stoðkerfi, truflun á starfrænni færni og verkjum. Meðferð byggir á greiningu vandans. Sjúkraþjálfarar beita fjölbreyttum aðferðum til að bæta líkamsástand og draga úr verkjum. Markmið meðferðar er m.a. að bæta líkamsstöðu, bæta styrk og úthald vöðva, viðhalda eðlilegum liðleika liða, mýkt og lengd vöðva, bæta hreyfistjórn sem og almenna líkamlega færni.

Dæmi um meðferðir sjúkraþjálfara eru:

Leiðrétting líkamsstöðu
Hreyfistjórnun
Mjúkpartameðferð
Liðlosun
Stöðugleikaþjálfun
Bylgjumeðferð
Rafstraumsmeðferð
Nálastungur

Í Sjúkraþjálfun Styrk er vel útbúinn tækjasalur sem er einnig opinn almenningi.

Í upphitunarsal eru hlaupabretti, hjól, sethjól og fjölþjálfar. Góð æfingatæki, laus lóð
og trissur eru í æfingasal. Góð aðstaða er til að gera æfingar á bolta, dýnu eða bekk.

Á laugardögum er sjúkraþjálfari í tækjasalnum sem hægt er að leita til varðandi æfingar og þjálfun í sal. Einnig er hægt að panta tíma fyrir leiðbeiningar í sal á þessum tíma. Viðskiptavinir eru hvattir til að nýta sér þessa þjónustu.

Tækjasalurinn er opinn alla virka daga frá kl. 07:45-19:00 og á laugardögum frá kl. 10:00 – 13:00. Lokað er á sunnudögum. 587 7750