Um MATVÍS

Opnunartími þjónustuskrifstofu MATVÍS er kl: 09-16.

Frá júní til október kl.: 9-15.

MATVÍS er félag iðnaðarmanna í matvæla- og veitingagreinum, þ.e.a.s. bakara, kökugerðarmanna, framreiðslumanna,

kjötiðnaðarmanna, matreiðslumanna, nema og annara sem starfa við framreiðslu, matreiðslu og sölu á matvælum

og félagið ákveður að veita viðtöku.

Tilgangur félagsins er m.a.

1. Að sameina í eitt félag alla launþega í matvæla- og veitingagreinum með það fyrir augum sem höfuðmarkmið 
   að vinna að bættum kjörum og öðru því sem stefnir til hagsbóta fyrir félagsmenn.
2. Að gangast fyrir stofnun stéttarfélaga í matvæla- og veitingagreinum, þar sem slík félög eru ekki fyrir hendi.
3. Að hafa forgöngu um samræmdar aðgerðir við samninga um kaup og kjör, og koma fram fyrir þeirra hönd við 
   samningagerð þegar um heildarsamninga er að ræða.
4. Að koma fram  í samskiptum við önnur heildarsamtök, innlend sem erlend, og opinber yfirvöld, og eiga aðild 
   að samstarfi norrænna heildarsamtaka greinanna.
5. Að vinna að aukinni starfsmenntun á því sviði er sambandið tekur tilbæði að því er snertir iðnnám, 
   framhaldsnám, svo og aðra starfsþjálfun og fræðslustarfsemi hverskonar.
6. Að starfrækja lífeyrissjóð fyrir félagsmenn og tilnefna fulltrúa í stjórn hans.
7. Að stofna orlofsheimilasjóð með iðgjöldum þeim sem vinnuveitendur greiða á hverjum tíma, 
   samkvæmt samningum félagsins. Hlutverk sjóðsins skal vera að koma upp orlofsheimilum á þeim stöðum er 
   henta þykir.
8. Að tryggja félagsmönnum gagnkvæm réttindi í veikinda og slysatilfellum, m.a. með aðild að sameiginlegum 
   sjúkrasjóði.

EINSTÖK SVIÐ INNAN MATVÍS 

Bakara- og kökugerðarsvið 

Framreiðslusvið

Kjötiðnaðarsvið

Matreiðslusvið

Matartæknasvið 

MATVÆLA- OG VEITINGAFÉLAG ÍSLANDS | Stórhöfði 31 | 110 Reykjavík | Sími 580-5240 | Fax: 580-5210