Hjúkrunarfræðingar Karitas bjóða upp á umsjón með lyfjum, lyfjatiltekt í vikubox og lyfjapöntun. Lyfjapantanir eru ávallt í samráði við lækni hvers sjúklings

Við bjóðum upp á aðstoð við helstu þætti daglegrar umönnunar. Einnig skipuleggjum við aðkomu annarrar þjónustu til dæmis heimahjúkrunar og félagsþjónustu.

Við bjóðum upp á sáraskiptingar heima ásamt fræðslu og kennslu varðandi eigin sáraumhirðu. Við leitum úrræða og fáum ráðleggingar hjá bestu sérfæðingum á sviði sárameðferða.

Krabbameinsendurhæfing er tímabundið ferli sem kemur í veg fyrir og dregur úr líkamlegum, sálrænum og félagslegum afleiðingum krabbameins.

Heimasjúkraþjálfun og sogæðanudd er eitt af því sem er í boði fyrir skjólstæðinga okkar

Með fræðslu, stuðningi og oft verklegri kennslu öðlast sjúklingurinn og fjölskylda hans verkfæri í hendur til að halda áfram og takast á við ný verkefni.

Hjálpartæki og fyrirkomulag heima getur skipt sköpum að bæta aðgengi, öryggi og vellíðan. Við skoðum aðstæður heima, veitum ráðleggingar og metum þörf fyrir hjálpartæki.

Hjúkrunarfræðingar Karitas geta verið tengiliðir skjólstæðinga sinna við aðrar fagstéttir og nærumhverfið.

Minningarsjóður Karitas

Sjóðurinn er í eigu Karitas ehf., hjúkrunar- og ráðgjafarþjónustu

Markmið og hlutverk sjóðsins er:

• Að stuðla að framhalds- og símenntun í líknarmeðferð fyrir hjúkrunarfræðinga hjá Karitas.
• Að sjá þjónustunni fyrir nauðsynlegum tækjabúnaði.
• Að veita fátækum skjólstæðingum þjónustunnar fjárstyrki.
• Að styrkja börn skjólstæðinga Karitas sem missa foreldra sína úr krabbameini.
• Að styðja við rekstur vefsíðu Karitas www.karitas.is

Karitas selur kort, kerti og barnabókina „Krabbameinið hennar mömmu“ til styrktar Minningarsjóði.